SHAKH TOURS
Dam olish kunisiz 09:00 - 19:00
Birlashgan Arab Amirliklari - bu sayyohlarning barcha istaklarini qondirishga intiladigan mamlakat: bu yerda sizga qulay plyajlar, me'morchilik mo'jizalari, tabiiy ekzotika, "Ming bir kecha" ruhidagi rang-baranglik, cheksiz xarid qilish imkoniyatlari, oltin muzqaymoq tortiq qiluvchi restoranlar, "Formula-1" yoki Yuqori Moda Haftaligi kabi qiziqarli tadbirlar va eng xilma-xil o'yin-kulgilar taklif etiladi. Hammasi birdaniga. Agar cho'lda tog' chang'isiga mos qor yo'q bo'lsa - sun'iy tog' chang' i kurorti yaratiladi, agar syorfing uchun to'lqinlar past bo'lsa - akvaparkda odam bo'yi balandlikdagi to'lqinlar yasaladi, agar hashamatli mehmonxonalar uchun joy yetarli bo'lmasa - marhamat, mana sizga Palma Jumeira orollari.
Maldiv orollari — mukammal plyaj dam olishining sinonimi. Oppoq qum, moviy rangli okean, hashamatli palma daraxtlari va qoziqlarga o'rnatilgan suv usti villalari. Qishni bu yerda faqat yangi yil archasi o'xshab ketuvchu riflar eslatadi. Plyajlar, tabiatdan bahramand bo'lish va suv ostida suzishdan tashqari, Maldiv orollarida sizni kichikroq, odam yashamaydigan orolchalarga sayohatlar, delfinlarni dengizda kuzatish va hatto muzeylar va bozorlarga tashriflar kutmoqda. Bunday hordiq moviy okean sohilidagi qulay va chiroyli dam olishning klassikasi. Qor kabi oppoq qumlar, g'ayrioddiy go'zal suvlar va hamma joyda o'sib yotgan shox-shabbalarini keng yoygan palma daraxtlari — ushbu orollarning tashrif qog'ozi hisoblanadi.
Tailandda siz o'zingizga yuqori narxli mehmonxonada hashamatli hordiq chiqarishga ijozat berishingiz yoki sohil
bo'yidagi oddiy bungaloda joylashishingiz, suv ustida joylashgan bozordan suvenirlar xarid
qilishingiz va Qirollik Saroyiga tashrif buyurishingiz mumkin. Tailand ko'plab
orollarga boy, ular betakror o'simliklar olamiga va barcha kerakli qulayliklarga
ega ajoyib plyajlar va romantika uslubidagi ajoyib mehmonxonalar
bilan mashhur bo'lib, bu albatta sevgi shaydo juftliklariga va yangi turmush
qurgan kelin-kuyovlarga yoqadi.
Parijga unutilmas sayohat. Fransiyaning porloq
poytaxti haqida cheksiz gapirish mumkin, lekin yaxshisi, uni bir marta borib ko'rib,
hamma narsani o'z ko'zi bilan ko'rish ma'qul. Lekin undan ham yaxshisi - bir marta
emas, ko'p marta tashrif buyurish. Parij barcha uchun o'zgacha mehribon: romantika
izlagan oshiq yuraklar, san'at ixlosmandlari, shirin ovqat ishtiyoqmandlari, musiqa
shaydolari va barcha yoshdagi yangi taassurot qidiruvchilari uchun "o'zinikiday"
bo’lib qoladi.
Gurjiston shunday diyorki, bunda ulkan qorli
tog'lar Qora dengizning iliq to'lqinlari bilan qo'shni, bir necha yuz kilometr maydonning
o’zida uzumzorli vodiylarni va Alp o'rmonlarini, subtropik hududlarni va yarim
cho'llarni, mintaqadagi eng baland tog' cho'qqilarini hamda yer osti karst
g'orlarining dunyosini, oltingugurtli va shifobaxsh buloqlarni ko'rishingiz
mumkin. Qadim zamonlardan boshlab bu yerda har bir mehmon Xudodan deb
hisoblanadi, bu esa an'analar, yurak isitgisi, samimiylik va saxiylik asosida
qurilgan noyob gurji mehmondo'stligi udumlarini shakllantirgan.
O'zbekiston tog'lariga individual
ekskursiyalar
Chotqol tog'lari, Kichik va Katta Chimyon,
Ugom tizmasi, Boysun tog'lari, Nurota tog'lari
Samarqand bu shunday shaharki unga tashrif
buyurib, abadiy maftun bo’lib qolish mumkin bo'lgan noyob shaharlardan biridir.
Aynan shu yerda turli madaniyatlar va vaqt o'zaro chambarchas bog'langan.
Samarqand Rim bilan tengdosh bo'lib, taxminan 2750 yil avval paydo bo'lgan,
shuning uchun u dunyodagi eng qadimiy shaharlardan biri sifatida haqli ravishda
e’tirof qilinadi. Aynan shu shahar buyuk Amir Temurning ulkan imperiyasining
poytaxti bo'lgan. Shunday qilib, bu yerga qadam qo'yganingizda, siz tabiiy tarzda
tarixga tegingan bo'lasiz. Samarqand — yashil va ko'k gumbazlar shahri,
hashamatli devoriy naqshlar, rang-barang manzaralar va takrorlanmas hashamatlar shahridir.
Buxoro ohanrabo singari millionlab
kishilarning qiziquvchan nigohlarini o'ziga tortadi. Inson tarixining katta
qismi shu shahar bilan bog'liq. Ko'plab asrlar davomida Chin mamlakati va Ovrupodan
tuya savdo karvonlari Buyuk Ipak Yo'li bo'ylab turli mollar tashigan, bu karvonlar
shu bilan birga boshqa madaniyat va xalqlardan xabar va g’oyalarni ham
tashiganlar. Ushbu yangiliklar va g’oyalar qadimiy yo'llarning kesishgan
nuqtasida qabul qilingan va Buxoroning me'morchilik yodgorliklari va o'ziga xos
madaniyatida aks etgan.
Eng go'zal vohali shahar bo'lgan Xiva
qadimgi devorlar, minora va noyob binolari bilan ajralib turadi. Xivaning
tarixi 2500 yildan ortiq. Agar siz tarixga sho'ng'imoqchi bo'lsangiz va qadimiy
Sharqning haqiqiy go'zalligini ko'rmoqchi bo'lsangiz, Xivaga tashrif buyuring.
Bu yerda hamma narsa odatdagidan farq qiladi — oshxonasi, odamlari, tili, hatto
me'moriyati ham. Deyarli hamma narsa dastlabki qo’hna holida saqlangan.
Ko'chalar toshlar bilan qoplangan. Go'yo shatranj donalari singari joylashgan minoralar,
madrasa va masjid gumbazlari har tarafdan ko'rinib turadi. Hattoki zamonaviy
binolar ham qadimiy uslubda bezatilgan.
Qoraqalpog'iston
Aytishlaricha, Nukus shahrining nomi "to'qqiz"
raqami bilan bog'liq - bu nom "no’kis" qabilasidan kelib chiqqan ekan.
Afsonaga ko'ra, to'qqiz ayol Xorazm shohi tomonidan bu tarafga surgun qilingan va
ularga turmush qurish taqiqlangan. Biroq, taqiqni buzgan bu ayollar keyinchalik
bu joylarda o'rnashib qolgan qabilaning asoschilari bo'lishgan. Mamlakat Arab istilosini
va Jo’chi Ulusini boshidan kechirgan. Aynan mana shu hududga Mo'g'ul-Islom to'qnashuvlar
davridagi urushlarning barcha og'irligi tushgan.
To'lovingizni hoziroq amalga oshiring!
Kompaniya haqida
"SHAKH TOURS" faoliyat sohasi
turistik sayohatlarni tashkil qilish bilan bog'liq xizmatlar to'liq doirasini
o'z ichiga oladi. Bizda o'z talab va istaklaringizga mutlaqo mos keladigan tur
va aviachiptalarni buyurtma qilishingiz mumkin.
Sizning dam olish haqidagi orzuingizni
amalga oshirishga yordam beramiz, qayerga borishni xohlamang, hujjatlar
yig'ishning og'ir yukidan qutqarib, dam olishingizni unutilmas va eng yaxshi
qilishga har doim shaymiz!м рады сделать Ваш отдых незабываемым и самым лучшим!
Hozir chet elda dam olish xavfsizmi?
Turkiya, Misr, BAA va Maldiv orollaridagi
kurortlarida butun dunyodan kelgan sayyohlar dam olishadi. Agar xavfli
bo'lganida, boshqa davlatlar fuqarolari bu yerlarda dam olishdan bosh tortgan
bo'lar edilar. Xavfsizlik jihatidan hech narsa o'zgarmagan. Ayniqsa, Birlashgan
Arab Amirliklaridagi xavfsizlik darajasini alohida ta'kidlash kerak - bu
dunyoning eng xavfsiz mamlakatlaridan biri hisoblanadi.
Noyabr-dekabr oylarida qayerga cho’milgani
borish mumkin?
Ushbu davrda suzish uchun qulay tabiiy
sharoitlar Janubiy-Sharqiy Osiyo mamlakatlarida bo'ladi: Xitoy, Vyetnam, Tailand,
shuningdek Hindiston, Maldiv orollari va Seyshel orollari, Kuba, Dominikana. Misr
va Indoneziya yil davomida borish mumkin bo'lgan yo'nalishlar deb hisoblanadi,
ammo Misrda dekabr o'rtasidan mart boshlargacha shamollar mavsumi bo'lsa,
Indoneziyada shu vaqt ichida nam mavsum bo'ladi.
Bolalar bilan sayohatga chiqish mumkinmi?
Ha, 7 yoshdan katta bolalarni o'zi bilan
olib ketish mumkin. 18 yoshgacha bo'lgan bolalar albatta katta yoshdagi
kishilar hamrohligida sayohat qilishlari kerak.
Bu savol bo'yicha to'liq maslahat berish
uchun siz saytimizda ko'rsatilgan telefon orqali bizning maslahatchimizga
murojaat qilishingiz mumkin.
Turni bron qilish uchun nimalar kerak?
Chet el mamlakatlariga tur bron qilish uchun
shartnoma tuzish, oldindan to'lovni amalga oshirish yoki sotib olinayotgan yo'llanma
uchun to'liq to'lov qilish hamda ketayotgan shaxslarning xorijiy pasport ma'lumotlarini
menejerimizga taqdim etish zarur.
